İran özünün müdafiə doktrinasında nüvə silahının olmadığını dəfələrlə bəyan edib.

Az.rasthaber.com “farsnews“ə istinadən xəbər verir ki, bu barədə İslam İnqilabı Keşikçiləri Korpusunun (Sepah) siyasi müavini olan general Yadullah Cəvani bəyan edib.

“İslam İnqilabının müdri lideri (Ayətullah Xameneinin) bu məsələ ilə bağlı fitvası olduqca aydındır və dəfərlərlə də təkrarlanıb. Bu fitvaya əsasən, İran nüvə silahı hazırlamağa can atmayıb“, – deyə o bildirib və qeyd edib ki, Tehranın nüvə proqramı hərbi təyinatlı deyil, sırf dinc və mülki xarakter daşıyır.

“Lakin buradan mühüm və əsas bir məqam var: İslam Respublikasının bəzi vəzifəli şəxsləri bildiriblər ki, əgər nüvə proqramına qarşı təhdidlər həyata keçirilsə, İran öz müdafiə doktrinasını və nüvə proqramının xarakterini gözdən keçirəcək. Bunun nə demək olduğu isə hamı üçün aydındır“, – deyə general Cəvani əlavə edib.

O vurğulayıb ki, İranın nüvə təsisatlarına qarşı əməliyyatlar keçirilsə belə, qarşı tərəf bu hərbi təcavüzün heç bir hədəfinə nail olmayacaq, o cümlədən də İranın nüvə sənayesini məhv edə bilməyəcək.

“Düşmənin bu hərəkətləri(, onların gözləntilərinin əksinə olaraq,) İranın nüvə sənayesini yeni mərhələyə çıxaracaq və o zaman da İran və müqavimət oxunun region və beynəlxaq hesablaşmalarda yeni rolu olacaq“, – deyə o qeyd edib.

Sepah generalı həmçinin bildirib ki, İran heç bir müharibənin başladıcı tərəfi olmayacaq, bununla belə İran özünün və xalqının milli və təhlükəsizlik maraqlarına olduqca ciddi yanaşır və 46 il ərzində bunu sübut edib.

O, Ayətullah Xameneinin Fitr bayramındakı sözlərini xatırladaraq deyib ki, düşmən İrana qarşı “hər hansı bir pislik etsə, onlar mütləq güclü cavab zərbəsi alacaqlar“.