Sionist İsrailə məxsus döyüş təyyarələri Suriyanın cənubundakı Dəra əyalətində bir neçə hərbi məntəqəyə hava zərbələri endirib.

Az.rasthaber.com xəbər verir ki, yerli mənbələrdən əldə edilən məlumata görə, sionist İsrail aviasiyası Dəra vilayətinin kənd yerlərində Cəbaab və İzrada yerləşən 12-ci briqada və 89-cu alaya hücum edib.

Hücumda 17 hava hücumu təşkil edildiyi və hərbi texnikanın hədəf alındığı öyrənilib.

2024-cü il noyabrın 27-də Suriyada şiddətlənən qarşıdurmalardan və dekabrın 8-də 61 illik Baas rejiminin süqutundan sonra sionist İsrail ordusunun bu ölkəyə hücumları eyni vaxtda artıb.

İsrail ordusu rejim ordusundan qalan hərbi infrastruktur və obyektləri dağıtmağa başlayıb və Suriyanın Qolan təpələrindəki işğalını genişləndirib.

Qolan təpələri ətrafındakı bufer zonasına daxil olan İsrail ordusu işğalı daha da irəli apararaq paytaxt Dəməşqin 25 kilometrliyinə yaxınlaşıb.

Sionist İsrail 1967-ci ildən Suriyanın Qolan təpələrini işğal edib. Bufer zonanın və silahsızlaşdırılmış zonanın sərhədləri 1974-cü ildə İsrail və Suriya arasında imzalanan geri çəkilmə sazişi ilə müəyyən edilib.