İran İslam Respublikası İslam Şurası Məclisinin sədri Məhəmmədbaqir Qalibaf Finlandiyadan olan həmkarı ilə görüşdə bildirmişdir ki, insan haqları, ədalət və humanitar məsələlər İran mədəniyyəti və sivilizasiyasında önəmli yer tutur. O vurğulayıb: Qərb Qəzza müharibəsi ilə bağlı məsələlərdə ikili standartlar sərgiləyir.

Az.rasthaber.com xəbər verir ki, o, qeyd edib: İran heç vaxt təcavüzkarlığı dəstəkləmir və onu legitim hesab etmir. Halbuki Qəzzadakı müharibə ilə Rusiya və Ukrayna arasındakı müharibənin humanitar vəziyyətlərini müqayisə etmək əsla məntiqli və düzgün deyil.

Qalibaf onu da bildirib ki, İran Nüvə Silahlarının Yayılmamasına dair Müqavilənin (NPT) üzvü olub və bir müddət Əlavə Protokolu da könüllü şəkildə icra edib. Buna baxmayaraq, İranın nüvə obyektlərinə hücum edilib; bu isə ikili yanaşmanın bariz nümunəsidir. Təəssüf ki, Qərb və Avropa ölkələri sionist rejimin Qəzzada törətdiyi hadisələri nəinki pisləmir, əksinə, bəzən onu dəstəkləyirlər – bu da həmin ikili yanaşmanın davamı olduğunu göstərir.