İranın Xarici İşlər Nazirliyinin sözçüsü İran-Çin-Rusiya arasında üç ölkənin xarici işlər nazirlərinin müavinləri səviyyəsində nüvə məsələsi ilə bağlı inkişaflar və sanksiyaların ləğvi ilə bağlı üçtərəfli görüşün keçiriləcəyini bildirib.

Az.rasthaber.com xəbər verir ki, İranın Xarici İşlər Nazirliyinin sözçüsü İsmail Bəqayi jurnalistlərə müsahibəsində üç ölkənin xarici işlər nazirlərinin müavinləri səviyyəsində nüvə məsələsi və sanksiyaların ləğvi ilə bağlı inkişafların müzakirə olunduğu İran-Çin-Rusiya üçtərəfli iclasının bu həftənin cümə günü Pekində keçiriləcəyini açıqlayıb.

Bəqayinin sözlərinə görə, İran İslam Respublikasının müxtəlif tərəflərlə davamlı məsləhətləşmələri çərçivəsində planlaşdırılan bu danışıqlarda üç ölkəni maraqlandıran digər mövzular, o cümlədən regional və beynəlxalq hadisələr, həmçinin BRİKS və Şanxay formatında əməkdaşlıqla bağlı mövzular müzakirə olunacaq və fikir mübadiləsi aparılacaq.