HƏMAS qatil İsrail ordusunun Cenindəki evləri bombalaması ilə bağlı açıqlama verib.

Az.rasthaber.com xəbər verir ki, bəyanatda deyilir: “Cenində baş verən kütləvi partlayışlar və bir çox evin partladılması Fələstin xalqımıza qarşı soyqırımın Qərb Sahilində davam etdiyinə sübutdur”.

Bildirilib ki, beynəlxalq susqunluq və sionist İsrailin törətdiyi hərbi cinayətlərə görə məsuliyyət daşımaması səbəbindən İsrail Qəzzada törətdiyi cinayətləri İordan çayının qərb sahilində də davam etdirir.

Bəyanatda Fələstin xalqının "işğalçı İsrailə təslim olmayacağı" vurğulanıb və "İsrailin Fələstinin varlığını hədəf alan cinayətlərinə qarşı müqavimətin daha da artırılması zərurətinə" diqqət çəkilib.

Qatil İsrailin fələstinlilərin həyatını təhdid edən və geridə dağıntılar qoyan hücumlarının “azadlıq yolunda müqavimət hərəkətləri üçün yanacaq olacağı” qiymətləndirilib.

Ərəb və İslam ölkələrinə və beynəlxalq ictimaiyyətə müraciət edən bəyanatda onları “beynəlxalq sülh və təhlükəsizliyi təhdid edən işğalçı İsrail cinayətlərini dayandırmaq üçün öz tarixi məsuliyyətlərini üzərinə götürməyə” çağırıb.

Yanvarın 19-da Qəzzada əldə olunan atəşkəsdən sonra soyqırımı törədən İsrail ordusu işğal altındakı İordan çayının qərb sahilinin şimal hissəsinə və xüsusilə də Ceninə hücum edərək, Cenində 21 evi partladıb.