HƏMAS sionist İsraillə Qəzzada atəşkəs və əsir mübadiləsi razılaşmasına sadiq qaldığını, lakin Təl-Əviv rəhbərliyinin öz öhdəliklərini yerinə yetirmədiyini və hər hansı gecikmələrə görə İsrailin məsuliyyət daşıdığını açıqladı.

Az.rasthaber.com xəbər verir ki, HƏMAS verdiyi açıqlamada "ABŞ prezidenti Donald Trampın Fələstin xalqının Qəzzanın yenidən qurulması bəhanəsi ilə qovulması ilə bağlı bəyanatlarını" rədd etdiyini bildirib.

Bəyanatda Trampın bəyanatları “Fələstin məsələsini ləğv etmək və fələstinlilərin daimi milli hüquqlarını inkar etmək məqsədi ilə irqçi və etnik təmizləməyə çağırış” kimi qiymətləndirilib.

Bəyanatda deyilir: "Qəzzədəki böyük xalqımız bombardman və təcavüzə qarşı qətiyyətlə dayanıb və öz torpaqlarında möhkəm qalacaq. Onları köçürmək və sürgünə məcbur etmək üçün bütün planlar puça çıxacaq".

Qəzza xalqının didərgin salınması ilə bağlı müzakirələrə gəlincə, "İşğalçı İsrailin hücum və qırğınlarla əldə edə bilmədiklərini ləğv və köçürmə planları ilə əldə edə bilməyəcəyi" qiymətləndirilib.

HƏMAS-ın İsraillə atəşkəs razılaşmasına sadiq qaldığı vurğulanan açıqlamada, "Özünə düşən öhdəlikləri yerinə yetirməyən işğalçı İsraildir və hər cür çaşqınlıq və gecikmənin məsuliyyəti İsrailin üzərinə düşür."