Fələstin İslami Müqavimət Hərəkatı-HƏMAS-ın siyasi büro rəhbərinin müşaviri HƏMAS-ın siyasi bürosunun rəhbəri İsmayıl Haniyənin ailəsindən 80 nəfərin sionist rejimin hücumlarında şəhid olduğunu açıqlayıb.

Az.rasthaber.com xarici mediaya istinadən xəbər verir ki, İsmayıl Haniyənin müşaviri də bacısının son günlər bombardmanlarda şəhid olmasından sonra bu xatırlatmanı edib: “İsmail Haniyə ailəsindən indiyə qədər hamısı mülki olmaqla cəmi 80 nəfər şəhid olub. "

Tahir ən-Nunu da bu vurğuladı: “Müqaviməti məhv etmək işğalçı rejimin beynində sadəcə xəyaldır”.

HƏMAS rəsmisi onu da vurğulayıb ki, işğalçıların müqavimət liderlərinin ailələrini və mülki şəxsləri vəhşicəsinə qətlə yetirməsi onların qarşısını ala bilməyəcək.