Rast Haber-in Baş Redaktoru Dr. Ziya Türkyılmaz son yazısında Suriyadakı hadisələri qiymətləndirdi və Türkiyənin bu hadisələrdəki mövqeyini təhlil etdi.
Suriyada Baas rejiminin devrilməsi və HTŞ Terror Qruplarının hakimiyyəti ələ keçirməsindən sonra Müqavimət Cəbhəsinin bu ölkədən çəkilməsi ilə təkcə bu ölkədə deyil, bütün bölgədə tarazlığın dəyişdiyini demək olar.
Rusiya, İran və Hizbullahın Suriyadan çəkilməsindən sonra balans pozulduqda meydan ABŞ-a qaldı və bu ölkənin gələcəyi ABŞ-İngiltərə-İsrail üçlüyü tərəfindən ipoteka altına alındı.
Türkiyə hökuməti hər nə qədər Əl-Qaidə və İŞİD qalıqları, keçmiş adı Nüsrə olan İdlibdə yuvalanan HTŞ terror qruplarının Şamı ələ keçirməsinin əsas dəstəkçilərindən biri kimi Suriyadakı nüfuzunu artırdığını iddia etsə də, meydandakı vəziyyət heç də bunu təsdiqləmir.
Suriyada son bir həftə ərzində baş verən hadisələr, o cümlədən Ələvi qətliamı, HTŞ-SDG razılaşması, Dürzilərə imtiyaz siqnalı və s. təkcə Suriyanın deyil, Türkiyənin də əleyhinə inkişaf edir.
Türkiyə Xarici İşlər və Müdafiə nazirlərinin, MİT rəhbərinin son hadisələrdən sonra tələsik Şama getmələri də duyulan narahatlığın və Suriya tənliyindən kənarda qalmanın əlamətləridir.
