Sionist rejimin "Kanal 12" televiziyası bildirib ki, Əl-Cəzirə telekanalının Sinvarla bağlı sənədli filmi Təl-Əvivin "Qara şənbə" adlandırdığı 7 oktyabr hücumlarında kəşfiyyatın uğursuzluğunu açıq şəkildə ifşa edib.

Az.rasthaber.com xəbər verir ki, Əl-Cəzirə tərəfindən yayımlanan “Əqsa qasırğası əməliyyat otağı” sənədli filmi sionist rejim mediasında heyrətə səbəb olub.

HƏMAS lideri Yəhya Sinvarın müharibə zamanı Rəfahdakı əməliyyatlara qorxmadan rəhbərlik etdiyini ortaya qoyan sənədli film İsrailin kəşfiyyat sistemindəki zəiflikləri ortaya qoyub.

Sənədli filmdə HƏMAS-ın hücumlardan əvvəl İsrailin təhlükəsizlik zəifliklərini fərq etdiyi və məlumat və materiallara çıxışı olduğu vurğulanıb.

Sionist medianın məlumatına görə, Əl-Cəzirənin araşdırması nəticəsində məlum olub ki, HƏMAS lideri Yəhya Sinvar müharibəni Qəzzanın Rəfah şəhərinin Tel Sultan bölgəsindəki gizli əməliyyat otağından idarə edir.

Kanal 12 Sinvarın daha əvvəl İsrail ordusunun istifadə etdiyi evdə xəritələr üzərində döyüş planlarını öyrəndiyini, Maariv qəzeti isə Sinvarın müharibə zamanı küçələrdə qorxmadan hərəkət etdiyini təsdiqləyib.

Sionist mətbuatı Əl-Cəzirə sənədli filmini şoka salan film kimi xarakterizə edərək, İsrailin təhlükəsizlik sistemindəki ciddi zəifliklərin bir daha üzə çıxdığını bildirib.