Türkiyə prezidenti Rəcəb Tayyib Ərdoğan Amerika Birləşmiş Ştatlarında seçkiləri qazanan Donald Trampa təbriklərini bildirib
Rasthaber Azərbaycan xəbər verir ki, Ərdoğan sosial media hesabından paylaşdığı mesajda Donald Trampı uğuruna görə təbrik edərək bunları qeyd edib: "Amerika Birləşmiş Ştatlarında keçirilən prezident seçkilərini böyük bir mübarizənin ardından qazanaraq yenidən ABŞ prezidenti seçilən dostum Donald Trampı təbrik edirəm. Amerika xalqının seçimi ilə başlayacaq bu yeni dövrdə Türkiyə-ABŞ əlaqələrinin güclənməsini, xüsusilə Fələstin məsələsi və Rusiya-Ukrayna münaqişəsi başda olmaqla, regional və qlobal miqyasda yaşanan böhranların, müharibələrin sona çatmasını arzu edirəm. Daha ədalətli bir dünya üçün daha çox səy göstəriləcəyinə inanıram. Seçkilərin dost və müttəfiq ABŞ xalqı və bütün bəşəriyyət üçün xeyirli olmasını diləyirəm."
