Qəzzadakı mülki qırğınlarla beynəlxalq reaksiyaların diqqət mərkəzində olan İsrail, bu dəfə Pakistanı bombalayan Hindistana dəstək mesajı verdi. Sionist İsrailin Hindistandakı səfiri Reuven Azar bildirib ki, onlar Yeni Dehli hökumətinin “özünü müdafiə etmək haqqını” dəstəkləyirlər.
Az.rasthaber.com xəbər verir ki, Qəzzada apardığı blokada və bombardmanlarla aylardır gündəmdə olan soyqırım İsrail başqa bir ölkənin hərbi müdaxiləsinə dəstək verərək işğalçı və aqressiv rəftarını bir daha nümayiş etdirdi.
Pakistan ordusunun Xidmətlərarası İctimai Əlaqələr (ISPR) direktoru, general-leytenant Əhməd Şərif Çaudri Hindistanın Bəhvalpur, Müzəffərabad və Kotli rayonlarına raket zərbələri endirdiyini açıqlayıb.
Hücumdan dünya ictimai rəyi sarsıldığı halda, İsrailin Hindistandakı səfiri Reuven Azar Pakistanı bombalayan Hindistanı dəstəkləyib.
"İsrail Hindistanın özünümüdafiə hüququnu dəstəkləyir. Terrorçular bilməlidirlər ki, onların günahsız insanlara qarşı törətdikləri iyrənc cinayətlərdən gizlənəcək yer yoxdur", - Reuven Azar tvitində bildirib.
İsrailin 1,1 milyon uşağı əsas qidadan məhrum edən Qəzzanı blokadaya almasının əks-sədası davam edərkən, onun digər ölkələrdəki hərbi əməliyyatları dəstəkləyən bəyanatları tənqidlərə səbəb olub və sosial mediada trend mövzusuna çevrilib.
