Sionist rejim ordusu 3 əsgərinin öldürüldüyünü, daha 2 əsgərin isə yaralandığını etiraf edib.

Az.rasthaber.com xəbər verir ki, sionist rejimin işğalçı ordusu Qəzza zolağının şimalında ordunun Gifati briqadasından 3 əsgərinin öldürüldüyünü, daha ikisinin isə yaralandığını açıqlayıb.

İsrail ordusu ölən üç əsgərin Gifati Piyada Briqadasının 9-cu Batalyonundan olduğunu açıqlayıb.

Yedioth Ahronoth qəzeti də üç əsgərin güclü partlayış nəticəsində həlak olduğunu bildirib.

Bununla bağlı İsrailin maliyyə naziri Bezalel Smortiç verdiyi açıqlamada 3 İsrail əsgərinin öldürülməsi xəbərini eşitdikdən sonra ağrılı bir səhərə başladıqlarını söylədi.