İran Xarici İşlər Nazirliyinin sözçüsü irqçi İsrail rejiminin Qəzza zolağı və İordan çayının qərb sahilində məzlum Fələstin xalqına qarşı davam edən hücumlarını və cinayətlərini, o cümlədən, Fitr bayramı günlərində jurnalistlərin məqsədyönlü şəkildə öldürülməsi, yardım qüvvələrinə və tibb mərkəzlərinə qəsdən hücum və ifratçı sionist mühacirlərin Əl-Əqsa məscidinə hücumunu pisləyib.

Az.rasthaber.com xəbər verir ki, BMT İnsan Haqları Şurasının qida hüququ üzrə məruzəçisinin son hesabatına toxunan İsmayıl Bəqai aclıq və qıtlığı soyqırım aləti kimi tətbiq etmək siyasətini dayandırmaq üçün İsrail rejiminə təzyiq göstərməyə çağırıb və bununla bağlı BMT-nin insan hüquqları mexanizmlərinin məsuliyyət daşıdığını qeyd edib. O, insan haqlarından dəm vuran bəzi qərb ölkələrinin, o cümlədən İngiltərə, Kanada, Almaniya və Fransanın işğal olunmuş Fələstində insan və humanitar hüquqların kobud və sistematik şəkildə pozulması ilə bağlı fəaliyyət göstərməməsindən təəssüfləndiyini bildirib və bunu bu ölkələrin insan haqları və qanunun aliliyi ilə bağlı vicdansızlığının bariz əlaməti hesab edib.