Həmas Qəzza zolağında vasitəçilərin təqdim etdiyi atəşkəs təklifini Fələstin qrupları ilə müzakirə etdiyini və yekun qərarını məsləhətləşmələr başa çatdıqdan sonra açıqlayacağını açıqlayıb.

Az.rasthaber.com xəbər verir ki, Həmas yazılı açıqlamada, İsrailin Fələstin xalqına qarşı hücumlarını dayandırmaq və humanitar yardımların sərbəst şəkildə keçməsini təmin etməkdə qərarlı olduğunu bildirib və Qəzza zolağında atəşkəs üçün vasitəçilərin təqdim etdiyi təkliflə bağlı Fələstin qruplarının liderləri ilə məsləhətləşmələr aparıldığını qeyd edib.

Bəyanatda bu ifadə yer alıb: “Həmas bu görüşlər başa çatdıqdan sonra son qərarını vasitəçilərə izah edəcək və rəsmi açıqlama verəcək”.