Livanın İslami müqaviməti çoxlu sayda hücum pilotsuz təyyarələri ilə sionist rejim ordusunun qərb briqadasının artilleriya batalyonunun "Xirbə Maar" bazasını hədəfə alıb.
Az.rasthaber.com xəbər verir ki, Livan İslami Müqaviməti bununla bağlı yaydığı bəyanatda əlavə edib: “Livanın İslami müqavimət döyüşçüləri bu hücumda sionist rejim ordusunun qərb briqadasının artilleriya batalyonunun zabit və əsgərlərinin qərargahı və yerləşdiyi yerləri hədəfə alıb və onları vurublar.
Bəyanatda bildirilir: “Bu hücum sözügedən bazanın bir hissəsinin dağılmasına, yanğına, içərisində olan hərbçilərin ölməsinə və yaralanmasına səbəb oldu.”
Sionist rejimin mediaları da bu rejimin ordu radiosuna istinadən xəbər yayıb ki, İsrail rejimi ordusunun hava sistemləri Hizbullah pilotsuz uçan aparatlarının qarşısını ala bilmədikdən sonra bu pilotsuz təyyarələrdən bəziləri Qərbi Əl-Cəlildə partlayaraq bu bölgədə yanğına səbəb oldu.
