İsrail ordusuna məxsus döyüş təyyarələrinin Qəzza zolağının mərkəzi və cənub bölgələrində iki evə endirdiyi hava zərbələri nəticəsində 18 fələstinli şəhid olub, çoxlu sayda fələstinli yaralanıb.
Az.rasthaber.com xəbər verir ki, Fələstinin rəsmi agentliyi WAFA-nın məlumatına görə, İsrail döyüş təyyarələrinin Qəzza zolağının mərkəzi hissəsindəki Deyr əl-Bələh şəhərinin cənubunda Bereket küçəsində Şahin ailəsinin evini hədəfə alması nəticəsində 13 nəfər ölüb, çox sayda insan yaralanıb.
Sionist İsrail döyüş təyyarələrinin Qəzza zolağının cənubundakı Rəfah şəhərinin Ən-Nəsr məhəlləsində Şaat ailəsinin evini bombalaması nəticəsində bir qadın və dörd uşaq həlak olub, çoxlu sayda insan yaralanıb.
Qəzzada Səhiyyə Nazirliyi tərəfindən dünən verilən yazılı açıqlamada, İsrailin 7 oktyabr 2023-cü ildən Qəzza zolağına təşkil etdiyi hücumlarda ölənlərin sayının 46 min 645-ə, yaralı sayının isə 110 min 12-yə yüksəldiyi bildirilib.
Bəyanatda həmçinin dağıntılar altında və yol kənarlarında hələ də cəsədlərin olduğu, lakin İsrail qüvvələrinin yaratdığı maneələr səbəbilə tibb qruplarının və mülki müdafiə işçilərinin cəsədlərə çata bilmədiyi bir daha vurğulanıb.
