İraqın baş naziri Məhəmməd Şia əl-Sudani və kabinet üzvləri bu ayın maaşlarını Livan və Qəzza xalqına bağışlamaq qərarına gəliblər.

Az.rasthaber.com xəbər verir ki, mövzu ilə bağlı İraq Baş Nazirliyinin Mətbuat İdarəsindən yazılı açıqlama verilib.

Açıqlamada, baş nazir Sudani və nazirlərin bir aylıq maaşlarının Livan və Qəzza xalqına bağışlanmasına qərar verdiyi bildirilib.

İraq hökuməti Livan və Qəzzaya ianələr üçün bank hesabı açıldığını da açıqlayıb.

Digər tərəfdən, İraq Daxili İşlər Nazirliyinin sözçüsü Mikdad Miri, son 10 gündə təxminən 5 min livanlının Bağdad və Nəcəf hava limanları və Əl-Qaim Sərhəd Qapısı vasitəsilə ölkəyə daxil olduğunu açıqlayıb.